مردم کُشیں نشہ ”شیشہ” ماں بلوچستان ءَ پرچہ؟
شیشہ یک مردم کُشیں دوائی کہ چہ ایران ءَ ماں مکران ءُ بلوچستان ءِ بازیں دمگاں شِنگ بیتگ۔ اے دوا ءِ سائنسی نام methamphetamine اِنت۔ Methamphetamine ءِ تاوان دیگ ءِ مستریں سوب اِنت کہ ایشی ءِ کَشگ یا انجیکٹ کنگ ءَ مردم ءَ دراجیں مدتے ءَ واب نئیت ءُ شُد ھم چہ چرآئی ءَ ھَزیت ءُ آ بس آپ ءِ سرا وت ءَ داشت کنت۔ بزاں چر ایشی ءِ کارمرزگ ءَ مردم ءَ ھوشام گیشتر جنت ءُ شدیگ نہ بیت۔Methamphetamine ءِ کارمرز کنوک تاں ھپتگے ءَ بے وابے ءَ برداشت کُت کناں ءُ شُد ءَ ھم۔ پمیشا Methamphetamine انسان ءِ مرگ ءِ سوب جوڑ بیت کنت۔
Methamphetamine ءِ دگہ بازیں کوڈ نام ھم دیگ بیتگ اَنت۔ چوشکہ ماں امریکا ءَ ایشی ءَ کرسٹل Meth ، آئس (فرف) کرسٹل Meth ، گلاس ءُ دگہ بازیں ناماں زانگ بیت۔ ماں ایران ءَ Methamphetamine ءَ گلاس یا ”شیشہ” ءِ نام ءَ دینت۔ ماں مکران ءُ بلوچستان ءِ دگہ بازیں دمگاں ایشی ءَ ھمے ایرانی رواج زُرتگیں نام ءَ دینت۔ چوناھیگا Methamphetamine ءَ شیشہ ءِ شبینی نام ءَ کارمرزگ ءِ سوب ایش اِنت کہ قانونی صورت ءَ ایشی ءِ بھا کنگ ءُ کَشگ ءِ سرا ماں دُنیا ءَ باز پابندی است۔ بازیں پابندیاں ابئید ھم امریکا، ملائی ایران، تھائی لینڈ، رشین، انڈونشیا ءُ بلوچستان ءَ بازیں کچے ءَ ایشی ءِ بھا کنوک ءُ کارمرز کنوک دست کپنت۔
شیشہ ءِ کارمرزگ ءَ مردم بازیں جانی تاوان ءُ نادراھیانی آماچ بیت۔
Methamphetamine ءِ کارمرزگ ءَ بے وابی ءُ شُد ءِ سوب ءَ انسان ڈپریشن، بدنی نزوری ءُ دگہ بازیں پریشانیانی آماچ بیت ءُ روڈ ایکسیڈنٹ ءِ آماچ ھم بیت کنت۔
بے وابے ءُ شُد ءُ دگہ بازیں گپچلانی سوب ءَ انسان گنوکی ءُ باد ءِ ھم آماچ بیت کنت
Methamphetamine ءِ کارمرزگ ءَ انسانی بدن ءِ گرمی ءُ ھون ءِ گردگ ءِ تھا باز گیشی کیت۔ چر ایشی ءِ سوب ءَ رگ ءُ بند ءُ دل ترکگ ءِ گمان بیت۔ بدن ءِ گرمی ءِ گیشی ءِ سوب ءَ ھڈ ءُ بندانی مجگ آپ بنت ءُ انسان دو سال ءِ تھا مرگ ءِ دیمپان بوت کنت۔۔
ذھنی پریشانی، بے سریں وھم hallucinations ، شیزوفرینیا ءُ دگہ بازیں دماغی نادراھیانی سوب ءَ انسان گنوک ءُ راھانی گواز کنگ ءَ ھم باز دیر نہ جنت۔
ماں لیبارٹری آں Methamphetamine ءَ بازیں کیمیائی عملاں چہ گوازینگ ءَ پد بازیں رنگ ءُ دروشماں ءُ ارزانیں وڑ ءُ پئیم ءَ جوڑ کنگ بیت۔Methamphetamine ءِ بنیادی بیمناک تریں دروشم چو کانچ ءِ وڑیں، بلے ایشی ءَ ارزان کارمرزگ ءِ ھاترا بازیں دگہ شکلاں ھم تیار کن اَنت۔ چوشکہ پوڈر،آپ ءِ رنگ ءُ دگہ بازیں۔۔۔۔۔۔ Methamphetamine ترپش، شیرکن، زھر ءُ دگہ بازیں تاماں ھم دست کپیت۔ اے دوا ایڈز، کینسر ءُ زردوئی ءُ دگہ بازیں نادراھیانی سوب ھم جوڑ بیت کنت۔
ورناہ اول سرا وتی سیکس(SEX) ءِ ودینگ ءِ ھاترا Methamphetamine ءَ کارمرز کن اَنت۔ بلے رندا اے دوا بازیں سیکسی نادراھی ءُ کمزوریانی سوب جوڑ بیت کنت۔ اول سرا اے نشہ Methamphetamine جنک ءُ بچک ءِ نیام ءَ سوچن ءُ بندیک ءِ شیرکنی ءَ دو سری شیرکن ءُ تامدار کنت، بلے وھد ءِ ھمراھی ءَ آ جنک یا بچک جمینکہ وت ءَ ھمے دوا ءَ گوں بہ پیڑائی تہ ھمینکہ آئی ءِ SEXY صلاحیت ھلاس بیت ءُ آخر آ مرگ ءِ آماچ بیت۔ گُشنت کہ امریکا ءُ ایران ءِ بازیں دمگاں بچک ءُ جنک SEX ءُ گاؤ کائی ءِ ھاترا ھمے دوا ءَ کارمرز کن اَنت۔ بلے مرچاں مکران ءِ بلوچ ھم ھمے نشہ ءَ گور جتگ اَنت۔ من ءَ سنگتی ءَ گُشت مند ءَ گوستگیں سال ءَ چار کس Methamphetamine ءِ کارمرزگ ءَ مُرتگ۔۔۔۔۔مند ءُ مکران ءِ بازیں دمگاں گیشتر کانچ رنگیں Methamphetamine کارمرز بیت۔
امریکا ءُ ایران ءِ گجر من نہ زاناں کہ چیا اے مردم کُشیں نشہ ءَ کارمرز کن اَنت۔ بلے مکران ءِ بلوچانی بربادی ءِ سوب من گُشاں ھمے ڈرگ مافیا اِنت کہ ایشی ءِ تھا امام بزنجو، برکت ءُ علی حیدر محمد حسنی ءُ دگہ بازیں شپک اَنت کہ اے پہ زَر ءِ ھاترا دُژمن ءِ گُشگ ءِ پدا مرچی بلوچ ءَ ھمے نشہ ءَ دیگ ءَ اَنت۔۔ نو وا Methamphetamine ءَ ماں بلوچستان ءَ ردوم زُرتگ۔ ایشی ءِ ھلاس کنگ ءَ بلوچ ءَ بس یک کارے جنگی اِنت کہ ھمے شپک جنگ ءُ چہ بلوچستان ءَ ولگوج کنگی اَنت۔ اگاں ناں اے Methamphetamine ءِ نادراھی بازیں گِسانی روکیں چراگاں تھار دیم کنت۔
