رو ایر شُتی بلوچستان ءُ مکران ءِ بیگواھیں رَستر

رو ایر شُتی بلوچستان ءُ مکران ءِ بیگواھیں رَستر

بام:پُلنگ، مم، ھپتار ءُ گُرک لھتے انچیں رَستر بیتگ اَنت کہ پیش ءَ ماں روایرشُتی بلوچستان ءُ مکران ءِ بازیں دمگاں گندگ بوتگ اَنت۔ رو ایرشُتی بلوچستان ءُ سراوان ءُ جھلاوان ءِ دمگاں بیت کنت کہ اے رسترانی نشانی در بئیت۔ بلے مکران ءَ بیگواہ اَنت۔ ما بس ایشانی نام بلوچ پیر ءُ کماشانی دپ ءَ اِش کُتگ اَنت۔ کماشانی ردا ایشانی بیگواھی ءِ مستریں سوب ماں اے ھنداں نوکیں دور ءِ سلاہ ءُ اسبابانی رواج گرگ ءُ بلوچ شکاریانی نادانی بیتگ کہ ایش وھدی ماں کوھاں شکار ءِ ھاترا شُتگ اَنت تہ ایشاں اے رستر بے گناہ ءَ جتگ ءُ کُشتگ اَنت۔ پدا اَتکگ ءُ بازار ءَ تعریف کُتگ کہ ما پُلنگے جتگ یا گُرکے جتگ۔ پُلنگ تاں 2000 ءَ پیش ھم ماں مکران ءِ مزن بند ءِ کوھاں بیتگ، بلے مرچاں گندگ نہ بیت۔ گُرک، ھپتار ءُ مم ءِ ھم نام ءُ نشان گواہ نہ کنت۔ 2000 ءَ پیش ما ماں مزن بند ءَ رسترے ءِ پد دیستگ اِتاں، گُڑا مئے کماشیں ھمراھی ءَ مارا گُشت کہ پُلنگ ءِ پداں، بلے رند ءَ مارا ھمے ھال رس اِت کہ مزن بند ءِ اے آخری زندگیں پُلنگ تمپ ءِ جاھمنندیں ایرانی شکاری ءَ جتگ ءُ ٹپی کُتگ ءُ رندا آئی ءِ جون ءِ دیستگ کہ مُرتگ۔ مرچی ماں مکران ءِ کوھاں اے رسترانی نام ءُ نشان گواہ نہ کنت ءُ بلوچ شکاریانی ناسرپدی ءِ دیناں رپتگ اَنت۔ اے شوپچ ءَ کجام بلوچ شکاری ءَ چوشیں رسترے جتگ گُڑا آئی ءَ ماں بازار ءَ پھر بستگ ، چو گُشئے آئی ءَ دُشمن ءِ فوج جتگ۔ 

http://bamhal.blogspot.se