بی توارین بیگاه
بی توارین بیگاه
سید هاشمی
زانان سیه مارِی مرگ تریاک اِنت...
بلَی واهگ چه درستان نازاک اِنت
پلّ و ورنائی هر دو بی آسر ...
پُلّین ورنائییا گروناک اِنت ...
مرگ مستاگ انت وژدلین مرگَی
بی وسینزِند ؟ زند بِی واک اِنت
نه بیت دیمپان کسّ سر گوندان
واهگِی بور و دوستیی ﮈاک انت
چون دْروه اِیت گم جگر برّین...
زند آئییی ، آ زندِی اولاک اِنت
په تو هانل بَها منی زندِی....
بیلی و نیمی پَنّ و مزواک اِنت
موتک! رهبندان!! باج امروزی
مسترین زور و بُرز ترین جاک اِنت
سستگ او تاگ اوست و امیتّی
اَنگت پمّن کسی هدوناک انت
تو مرادانَی من مرادیگان
یک سری شهد و یک سری هاک اِنت
درتکگ اوهنگ اِنت په گلی رکّان
دل گوشَی لالی شمشکِی تاک انت
بی میارَی چه هونی هوشاما
سرجمین زندمانی اِت پاک اِنت
چونین یک بِی توارین بیگاهِی
درد پادان گِران و پیداک انت
ترس انت «ند» چه نبشتگان بجّ ایت
مرچی سر ندَی باز واناک انت
شِنگ اتگ دل گون ترانگ و دردان
سید اوپاری دامنون چاک انت
